DISPLAY PUBLIZITATEA:
KONTZEPTUA ETA MOTAK
Klasean ikusten ari garen
moduan, teknologia berriek publizitatean duten garrantzia urterik urte handituz
joan da. Internetek, teknologia berri horietako bat den heinean, eskaintzen
dituen baliabideak orain arte jorratu diren euskarriek ez dituzte eskaintzen.
Izan ere, internetek orain gutxi arte
pentsaezinak ziren komunikazio moduak ekarri ditu. Horren barruan sartzen
da, noski, publizitatea, non internetengan jarri dituen etorkizuneko esperantza
gehienak. Aitzakia hori baliatuz, testu honek gaur egun interneten erabiltzen
diren iragar-formei buruzko informazioa garatu eta azaltzeko asmoa du, klasean
ikusi bezala, etorkizuneko giltzarri eta buru belarri hortan jardutea tokatuko
zaigula uste baitugu.
Egun,
enpresen hedabide plangintza guztien parte da Interneten erabilera, beren
helburuak lortzeko. Beraz, momentuko
kanpaina gehienek, guztiek ez esatearren , hedabide tradizionalez gain, interneten beharra ere badute. 2013an Interneteko publizitateak,
publizitateko euskarri konbentzionaletan egiten den inbertsio guztiaren %21a
hartzen zuen, telebistak lehen postua zuelarik.
 |
Iturria: Estudio
Infoadex de la Inversión
publicitaria en España 2014
|
Hala bada, kanpainaren
norakoak definitzeko eta aurrera eramateko modu berriak eskatzen ditu
internetek. Baina, kanpainaren beraren helburu nagusia ez da aldatzen; zeren
eta azken batean enpresaren ezinbesteko helburua produktua edo zerbitzua
saltzea da; on-line zein off-line
formatuak erabili. Eta kanpaina guztietan
bezala, iragarleak inbertsio bat egingo du helburu horiek lortu ahal izateko.
Hala ere, egun, enpresak ez dira mugatzen mezua hartzailera iristaraztera,
hortik haratago doaz; internet, bezeroa
entzun eta berarekin interakzioan aritzeko erreminta bihurtu baita.
Gainera interneteko
publizitatearen alde onenetariko batzuk eskaintzen dituen zehaztasuna,
arintasuna eta aberastasun estatistikoak dira. Eta horrek hein handi batean
egindako inbertsioaren eraginkortasuna[1]
neurtzen laguntzen du. Aurretik aipatutako
datuek argi erakusten dute enpresen
tendentzia interneten geroz eta gehiago inbertitzea dela. Horregatik XXI.
mendeko enpresak gai izan behar dira beraien marketin helburuak teknologia
berrien erabilpena eginez lortzeko.
Online publizitatearen
barruan, ordenagailurako eta mugikorrentzako publizitatea desberdintzen dira.
Bestalde, ordenagailukoaren barruan bi publiziate mota daude. Alde batetik web bilatzaileetakoa (search marketing) dago; eta, bestetik irudi grafikoetakoa edota display advertising bezala ezagutzen
dena. Lehenengoan Yahoo eta Google bezalako bilatzaileek beraien
eduki edota bilaketa sareetan publizitatzeko aukera ematen diete enpresei. Display publizitatea berriz helmugako
web orrian agertzen den iragarki grafiko mota da; zeina normalean testu, irudi,
soinu edota bideo formatuan ageri dena web orriaren goialdean edo alboetan.
 |
Search Marketingaren adibidea.
Iturria: google
irudiak
|
Esan bezala, gaur egungo
tendentzia publizitate digitalean geroz eta diru gehiago inbertitzea da. Horren
harira, Interactive Advertising Bureau
Spain-ek (IAB Spain) 2013an Publizitate Digitalean egindako inbertsioen inguruko ikerketa egin zuen. Publizitate digitalean inbertitutako 878,5 milioi eurotatik, 332,2
display publizitaterako erabili
zuena azaldu zuen ikerketak. Beste 500,3
milioi euro berriz search marketinera bideratu ziren.
Hots, online egindako inbertsio guztiaren %94,8a bi formatu horietan erabili
ziren.
Hori guztia kontutan izanda
eta display publizitateak etorkizun
hurbilean eduki lezakeen garrantziaz baliatuz, hurrengo lerroek publizitate
grafikoari buruzko zehaztasunak azaltzea dute helburu. Esan bezala, display publizitatea iragarki grafikoez
osatuta dago; eta bere baitan hainbat iragar-forma aurki daitezke.
Display publizitatearen iragar-formak
Bannerra interneteko orri batean txertatzen den publizitatea da. Helburua orrialdean dauden erabiltzaileak bertan klikatzea da. Klikatuz gero, Click through[2] fenomenoa gertatzen da. Moduluka ordaintzen da, egunkarietan bezala. Gaur egun, banner berriak interaktibitatea lantzen hasi dira, elkarbanatzeko edota bozkatzeko aukerak emanez.
 |
Publizitatearen historiako lehen bannerra, 1994an.
Iturria: google
irudiak
|
Pop-up eta
pop-underrak, web orri batean sartzean automatikoki agertzen diren
leihoak dira. Pop-under atzean irekitzen da eta Pop-up aldiz, aurrean. Gaur egun nabigatzaile gehienek horiek
blokeatzeko gaitasuna daukate.
Etxeorratzak edo skyscrapers-ak berriz orriaren eskuindaldean egon ohi diren
publizitatea dira. Azken aldian hauen erabilera handitu egin da, batik bat
bannerrekin alderatuz CTR[3] handiagoa dutelako.
Batzuetan goitik behera zein behetik gora mugi daitezke.
 |
Publizitate grafiko motak. Iturria:
Joseba A. Etxebarria.
Publizitate eta HHPPen Sistema eta Prozesuak
|
Rich Media motako iragarki batek irudiak edo bideoak eduki ditzake.
Gainera, erabiltzaileraren aldetik interakzio minimo bat eskatzen du. Testu
iragarkiek hitzekin eta ikustekoek argazkiekin saltzen duten bitartean, Rich Media motatako iragarkiek
erabiltzaileen arreta deitzeko modu gehiago eskaintzen dituzte. Izan ere, iragarkiok tolestu, flotatu, e.a. egin
dezakete. Bestalde, erabiltzaileek izandako jarrerak ere ikusgarri uzten
ditu.
Layerrak pantailan zehar mugitzen diren elementuak dira.
Arreta deitzea dute helburutzat, CTR gehiago
lortzeko. Saguaren mugimenduekin jokatzen dute eta ixteko zailak izan ohi dira.
Intersitial pantaila osoko publizitatea da, click
egindako orrialdea kargatzen doan bitartean agertzen dena, bitartekari lanak
egiten.
Apurtzaileak ere online publizitatearen parte dira, gazteleraz robapaginas bezala
ezagutuak. Ohikoena eskuinean edota erdialdean agertzea da. Forma karratua edo
lauki zuzena dute. Atarian integratuak daudela dirudi, edukiaren parte
izateraino.
Azkenik bideoak
edo ziberspotak ditugu. Hasiera batean oso bideo
sinpleak izaten ziren eta eta bideoa kargatzen zen bitartean ezinezkoa zen hori
ikusten egotea. Alabaina, Video Streaming[4]-ari esker posible
bihurtu da gaur egun. Bestalde, azkenaldian garatutako zenbait online
plataformei esker, youtube-rena esate baterako, bideoen erabilera online munduan asko garatu da. Gainera, horrelako plataformek
telebistako iragarkiak online ikusteko aukera ematen dute; eta banner bezalako formatu grafikoetan
bideoak sartzeko aukera sortu da.
Aurretik aipatutako datuek erakutsi duten bezala, azken urteotan display
publizitateak etengabeko hazkuntzan aurkitzen da. Mugikorren ugaritzeari,
publizitate onlineko espazioen etengabeko hazkundeari eta bideoek interneten
hartutako hedapenari esker, publizitate grafikoaren etorkizuna bermatua dago.
[1] Salesforce eta Google Adwords plataformak erabili
daitezke, besteak beste, eraginkortasun hori zenbatekoa den jakiteko.
[2] Display iragarki batean click egitean
sortzen den termino berri bat da, hain zuzen ere erabiltzaile batek click egin duela adierazten duena.
[3] CTR edo Click
Through Rate ehuneko bat da, pantailan iragarkia atera zaien erabiltzaile
kopurutik iragarkian click zenbatek
egin duten adierazten duena.
TEST GALDERAK:
Zer da display publizitatea?
a.
Interneten nabigatzerakoan, helmugako
web orrian agertzen den iragarki grafiko mota da; zeina normalean testu, irudi,
soinu edota bideo formatuan ageri dena web orriaren goialdean edo alboetan.
b.
Display publizitatea email bidez heltzen den publizitate mota da. Bertan,
testuak, irudiak, soinuak zein bideoak ager daitezke.
c.
Display publizitatea aspalditik dagoen publizitate mota da. Istorian azaldu
zen lehenengo publizitatea.
Zein EZ da
display publizitatearen ezaugarri bat:
a. Display publizitatea agertzeko internet
beharrezkoa da.
b. Display publizitatearen helburua ere
produktua edo zerbitzua saltzea da.
c. Display publizitatea mugikorretan agertzen den publizitatea da.
Ordenagailuko
publizitatearen barruan bi mota bereizten dira. Zeintzuk?
a. Search marketing eta display advertising
b. Search marketing eta email marketing
c. Display marketing eta display advertising
Leire Icaran, Aitor Odriozola eta Nerea Leyaristi
1 comentario:
Galderen erantzunak:
1-A
2-C
3-A
Publicar un comentario