LinkedIn, zu eta mundu profesionalaren arteko zubia

LinkedIn sare profesional digital bat da. LinkedInera batzea doakoa da, eta oso erabilgarria izan dakiguke; izan ere, enpresa ugarik profesionalak bilatzen dituzte bertan, eta lan eskaintza ugari argitaratzen dira egunero. Sektore ezberdinetako profesionalentzat izan daiteke erabilgarri. Gure profila osatu ostean, funtzionalitate ezberdinez balia gaitezke gure esperientzia profesionala hobetzeko: lanpostuak bilatzetik, gure sektore berean lan egiten duten pertsonekin hitz egiteko taldeetan parte hartzeraino.

LinkedIneko profil baten itxura honakoa da:

 

Ikus daitekeen bezala, profila sekzio ezberdinetan banatzen da. Gure argazkia, helbidea eta datu pertsonaletatik hasita, gure jakintzak, hizkuntzak, interesak eta bestelakoak biltzen ditu ere. CV baten tankerako orrialdea da, eta profesionalen bila dabiltzan enpresariek gurekin topo egiteko aukera ematen du, aipatutako ezaugarri konkretuak dituzten profilak bila baititzakete, eta gurea aurkitu. Honela, lan eskaintza, inbestigazio lanetan parte hartzeko eskaerak, eta bestelakoak eskuratzeko modu sinple eta doakoa eskaintzen digu LinkedIn-ek.

Jarraian, marka pertsonalaz eta LinkedInez jorratzen dituen bideo labur eta interesgarria doakizue:

Beraz, nire ustez LinkedIn webgunean profil bat sortu eta osatzea erabilgarri izan dakiguke, oraindik ikasleak bagara ere, lan munduarekin lehen hartu-emanak izateko, eta profesionalei zuzendutako tankera bereko guneen funtzionamenduarekin ohitzen hasteko.

Asier Rufo Gaztelumendi