1. Komunikazio agentzien bilakaera, etorkizuna eta definizioa
Publizitateak, aktibitate profesional bezala, etengabeko bilakaera bat izan du historian zehar. Hasiera batean aktibitate sinplea zen, non, agenteak espazio publizitario desberdinak saltzen zituen; baina, gaur egun, guztiz desberdina da, askoz ere konplexuagoa. Orain, publizitatearen sektorean enpresa handiak sartu dira eta agentziek gero eta zerbitzu gehiago eskaintzen dituzte. Horregatik, gaur egun, ia ezinezkoa da ezagutzea eta gestionatzea ondo publizitatea, ez bada lan egiten talde handi batekin eta ekipo tekniko on batekin. Hori dela eta, hurrengo orrialdetan komunikazio agentzien bilakaera, etorkizuna eta definizioari buruz hitz egingo dugu.
1.1. Publizitate agentzien bilakaera
Lehenengo publizitate agentziak, publizitate modernoaren sorrerarekin bat egiten dute. Izan ere, nahiz eta mendeetan zehar publizitatea era desberdinetan agertu den Volney Palmer agentzia izan zen historian lehena (1841, Filadelfia, AEB). Baina Volney Palmer publizitate agentziaz hitz egin baino lehen, publizitatearen aztarnak aipatuko ditugu, gaur egungo publizitate agentzien oinarria alegia.
Lehen publizitate agentzia XIX. mendean sortu zen, baina publizitatearen lehenengo arrastoak Tebasera (Grezia) eramaten gaituzte; izan ere, bertan lehen publizitate mezua aurkitu zuten papiro egipziar batean. Papiro hori K.a. 3000. urtean kokatzen dute adituek eta bertan, ihes egindako morroi baten bilaketaz informatzeaz gain, bere dendaren publizitatea egiten zuen. Mende batzuk geroago, lehen propaganda aztarnak agertzen dira.
Grezian; Solon eta bere ondorengoek, zuriz margotutako egurrezko koadroetan idatzi zuten haien araudia. Greziatik Erromara. Bertan, Alban eta Libelli bezala ezagutzen diren publizitate ilustrazio eta kartelak aurkitu zituzten: Alban, mosaikoz egindako iragarki iraunkorren ilustrazioak ziren eta Libelli bezala ezagutzen direnak, gaur egungo kartelen parekoak ziren.
Azpimarratzekoa da, inprentak publizitateari eman zion bultzada: zabaldu nahi zituzten mezuak aldi berean gune anitzetan zabaltzeko aukera eman zien. Inprenta modernoaren sortzailea Johannes Gutenberg izan zen, 1450. urtean. Berrikuntza honek, publizitatea elementu autonomo bat bihurtzea eragin zuen.
Urte batzuk geroago, “espazioaren agenteak” agertu ziren, gaur egungo publizitate agentzien aitzindari formalak alegia. Haiek, zerbitzu bakarra eskaintzen zuten: hedabideetan espazioak erostea bezeroen publizitatea ezartzeko; prezio baxuetara erosi eta prezio altuetara saldu. Hitz gutxitan esanda, hedabideen eta bezeroen arteko bitartekaritzan jarduten zuten.
Hasieran aipatutako Volney Palmer agentziak, bere garaiko “agentzien” aurretik zihoan. Izan ere, “espazioen agenteek” eskaintzen zituzten zerbitzuez gain, merkatuaren azterketa eskaintzen zuen bezeroaren publizitatea ahalik eta errentagarrien gertatzeko. Hau da: garai horretako egunkari ezberdinak aztertzen zituen bezeroaren iragarkia jartzeko egokiena zein zen erabakitzeko. Horrez gain, iragarkiak dohain idazteko zerbitzua eskaintzen zuten ere. Hasiera batean, Amerikako Estatu Batuetan sortu ziren publizitate agentziak eta gero, pixkanaka, Europa osoan zehar hedatu ziren.
Publizitate agentzien sorrera denboran kokatzeko, modu eskematikoan azalduko ditut publizitate modernoaren lau aroak.
Lehenbizi, pre-marketinaren garaia daukagu (17. mendera arte), saltzaile-erosleen arteko komunikazio primitiboa, alegia. Gero, komunikazio masiboaren aldia dago (1700. urtetik – XX. mendeko lehen urteak arte) non publizistak hedabide masiboak erabili zituzten, hiritarren segmentu handienetara iristeko. Hirugarrena, ikerketaren garaia bezala izendatu dezakegu, ikerketaren bidez kontsumitzaileak ikertu eta informazioa bideratzeko segmentuak identifikatzen hasi ziren. Azkenik, interakzioaren garaia daukagu, gaur egungoa alegia. Komunikazioan kontsumitzaileek kontrol handia dugu, guk erabakitzen baitugu non eta noiz nahi dugun informazioa jaso.
Publizitate agentzien historia aztertzean ezinbestekoa da tarifen direktorioez hitz egitea. George P. Rowell publizitate exekutiboa da gai honen protagonista. George P. Rowell & Co agentzia sortu zuen 1865. urtean, Boston-en (AEB). Estatu Batuetako beste agentziekin alderatuta, langile gehiago egiten zuten lan bertan, zerbitzu anitzagoak eskainiz, adibidez: langile batek egunkariekin negoziatzeaz arduratzen zen eta beste batek agentziaren aurrekontuaz. Rowell-ek publizitate espazioak eskaini zituen Ingalaterrako 100 egunkarietan eta geroago AEB eta Kanadatik hedatu zen.
Aipatzekoa da garai horretan (1800. hamarkada) Advertiser´s Gazatte sortu zela baita Rollew`s American Newspaper Directory-a ere. Hauek, publizistentzako eta bezero potentzialentzako lehenengo prezioen zerrenda argitaratu zuten. George P. Rowell- en beste merituetako bat Printer,s Ink aldizkaria sortzea izan zen, publizitatean oinarritutako lehen aldizkaria alegia. Hitz gutxitan esanda, publizitatearen munduan “Biblia” bezala hartzen zuten guztiek. George P. Rowell-ek indar mediatiko handia zuela esatea soberan dago.
Gaur egungo publizitate agentzien oinarrietako bat kreatibitatea da. Horren aitzindaria Charles Austin Bates idazlea da, zeinek 1070. urtean, zerbitzu propioak eskaintzen hasi zen bere ideietan oinarrituta (bere iragarkiak idazten zituen batik bat). Hogei urte geroago, Ernest Elmo Calkins, Ralph Holden eta lehen aipatutako Charles Austin Bates, iragarkiak saltzeari utzi eta publizitate plan osoa prestatzera ekin zioten: kanpainaren antolakuntza, ideiak, testua eta artea.Horrela, pixkanaka gaur egungo publizitate kanpaina osoetara iristen gara, non merkatua, bezeroa eta produktua aztertzen dira erabaki eraginkorrenak hartzeko. Publizitate agentziak, bitartekari soilak izatetik, komunikazio plan osoa diseinatzera igaro dira alegia.
Publizitate agentzien bilakaeran, bezero eta agentziaren arteko harremanaren garapena aipatzekoa da ere. Harreman berezia da agentzien eta bezeroaren artekoa; bazkide estrategikoak direla esan dezakegu. Azpimarratu dezakegu 1875.urtean N.W. Ayer & Sons agentziak, editorialak alde batera utzi eta bezeroekin zuzenean lan egiten hasi zela, horrela, bezeroaren eta agentziaren harremana estutuz. Horrez gain, agentziak tarifa finkoak erabiltzen hasi ziren, gaur egun bezala.
Orduan, publizitate agentzien bilakaera ikusita, erabat aldatu diren bi aspektu azpimarratu nahi ditut: autonomia eta zerbitzuak. Azken aspektu hori, zerbitzu aniztasuna, bi zergatik ditu atzetik: lehenengoa, agentzia ugarien fusioa gertatu zela 90ko hamarkadan, korporazio erraldoiak eratuz, bezeroen atentzioa hobetzeko helburuarekin (bai nazionalak, bai internazionalak), adibidez hain ezaguna den 4A elkartea (1917). Bigarrena, zerbitzu integralen garapena izan zen. Agentziek, konpetentzia handi baten aurrean haien antolakuntza berregituratu zuten zerbitzu aniztasuna eskainiz. Zerbitzu ohikoenak salmenten sustapena, harreman publikoak, marketin zuzena, diseinua eta irrati eta telebisten produkzioa ziren. Azkenean, arrazoi ekonomikoak ere zituzten atzetik eta komunikazio zerbitzua integratua behar izan zuten. Gaur egun, mundu digitala zerbitzu eta halaber, tresna bezala gehitu eta azpimarratu beharko genuke; komunikazio zuzena eta salmenten sustapena modu eraginkorrean gauzatzeko aukera ematen dutelako.
Bukatzeko, agentzien bilakaeran giltzarri izan diren bi agente azpimarratu nahi nituzke. Lehenbizi, lehen aipatutako American Association of Advertising Agencies (AAAA)-en garrantzi eta mirespena adierazi nahi dut. Estatu Batuetako publizitate agentzien elkarte boteretsuenetarikoa baita eta, munduaren aldaketekin batera garatuz joan da, goi posizionamendua galdu gabe. Beste agentea David Ogilvyda, publizitatearen jeinuetariko bat, 20. hamarkadaren ondoren sektoreari balioa eman zion gutxienetarikoa. Ogilvy, Benson & Mather Agentzia sortu zuen, geroago Ogilvy & Mather Worldwide bihurtu zena.
1.1.2. Publizitate agentzien bilakaera Espainian
Espainian ere antzeko eboluzio bat egon da urteak aurrera pasatu ahala. Sinpletasunetik, sektore korapilatsu batera. Sektore berri batetik, etorkizun handi bateko sektore batera. Lehenengoko plublizitate produkzioak (XVII. mendean) oso sinpleak ziren, ia landu gabeak; esaterako, zezen korridetan edo herriko jaietan jartzeko egiten ziren kartel sinpleak. Oraingoak, ordea, landuak izan behar dira; izan ere, publizitate agentzia gehiago daude, baliabide gehiago eta ondorioz, konpetentzia gehiago...
Beraz, nola agertu ziren lehenengo publizitate agentziak? Espainiako plubizitate agentzien agerpena gehiago dago lotuta garaiko egunkariekin. Urte horietan, prentsan iragarki pila bat aurkitu ahal zenituen orrialde bakoitzean eta horrek, publizitateko sektoreko langileek diru asko irabaztea eragiten zuen. Ondorioz, gutxika-gutxika gero eta iragarle gehiagok ikusten zuten egunkaria bizirauteko modu bat bezala. Hortaz, egoera horren aurrean sortu zen prentsako agentea, zein, egunkariarentzat lan egiten duen espazio publizitarioen gestioan. Denborarekin gero eta gehiago balioztatzen hasi zen publizitatea eta prentsako agenteak zerbitzu gehiago ematen hasi zen, gero eta independenteagoa bihurtuz. Horrela, “prentsako agentea”-ren izendapena alde batera uzten joan ziren denborarekin.
Bestalde, industriaren garapenak agentzia desberdinen espezializazioa eragin zuen hainbat sektoretan. Bestalde, komunikazio bide desberdinak sortzen dira; hala nola, telebista eta aldi berean zinema eta irratia hobetu egiten dira. Gutxika, publizitatea etorkizuneko profesio bat bezala ikusten hasi zen. Hori dela eta, iragarleak ikasi eta publizitatea gehiago espezializatzen da, gero eta zerbitzu gehiago eskainiz. Prat Gaballik, esaterako, Bartzelonan Oeste izeneko agentzia bat sortu zuen 1939. urtean, sormenean zentratzen zena gehien bat edo 1951an Cirici Pellicerek Zen izeneko estudio grafikoa sortu zuen.1957 urterako, Espainian 500 publizitate agentzia zeuden.
Fotografia teknika ere asko garatu zen eta horrek ikus-entzunezko lan asko egitea eragin zuen. Gutxika ekonomia hobetzen zihoan. Atzerritik, Espainian publizitatearen industrian zegoen egoera ona dela eta hainbat diseinatzaile grafiko etorri ziren. Urte horiek garapen handikoak dira. Sozietateak zerbitzu gehiago eskatzen ditu, ekonomia hobetu egiten da eta publizitateko demanda handitu egiten da. Agentzia multinazionalak, animatu egiten dira gutxika Espainian sartzeko.
Euskal Herrian ere, publizitate agentzien hazkunde bat izan da historian zehar. Esaterako, 1960-1969 urte bitartean agentzia bat soilik zegoen. Baina, 2000-2009 urte tartean 48 publizitate agentzia sortu ziren. Hortaz, horretan ere hazkundea nabaritu izan da. Hala ere, aipatu beharra dago krisiek eragina dutela hazkundean eta urteen artean aldaketak egon ahal direla . Esaterako, 2008. urtean (krisia hasi zen urtea) soilik 3 agentzi berri sortu ziren, 2002 urtean baino 5 agentzia gutxiago. Baina, orokorrean, urteak aurrera joan ahala hazkundea izango duen sektorea da publizitatearena.
Hortaz, Espainian publizitatea gero eta konplexuagoa bihurtu izan da eta gaur egun hainbat agentzia desberdin aurkitu genezake, bakoitzak zerbitzu desberdinak eskainiz. Esate baterako, zerbitzu orokorreko agentziak, komunikazio integraleko agentziak, publizitate orokorreko agentziak, diseinu grafikoko agentziak, sormen agentzia, komunikabide agentziak…
1.2. Publizitate agentzien etorkizuna
Eta etorkizunari dagokionez, zer gertatuko publizitate agentziekin? Juan Miguel Flores Blanco, “A+A imagen y comunicación”eko zuzendariak dioenez, enpresetako marketin beharren handitzeak, agentzien espezializazio handiago bat eskatuko du merkatuko sektore desberdinetan. Bezeroek, hauen sektorea oso ondo ezagutzen duten agentziak bilatuko dituzte, frogatutako esperientzia dutena, eta jasotako zerbitzua bikaintasunean oinarritzen dena.
Teresa García Cisneros, “Ketchum España”ko CEOa, bat dator aurreko iritziarekin. Bezeroek behar konkretu bat dutenean, espezializazioa izango da gakoa agentzia hautatzeko orduan. Agentziek, espezializazio bat aukeratu beharko dute definitzeko orduan, edo espezialista anitzeko agentzia bat izatea da beste aukera bat. Hauek, bezeroei sortzen zaizkien beharrei irtenbide konkretuak emateko gai izan beharko dute. Esate baterako Change Management, Lobby eta PA, Reputación Off eta On, Diseinu eta Sormena, Barneko Komunikazioa, Digitalizazioa, Marketin Esperientziatua, Krisia etab... Gero eta maizago, atzerriko multinazional konpainiak edo atzerrira zuzendu nahi diren enpresa espainolak, mundu mailako agentziak beharko dituzte, lan egin nahi duten herrialde atzerritarretan zerbitzua emateko.
Momentu honetatik hasita eta hurrengo urteetan, agentziek era askotako profil profesionalak beharko dituzte estrategia eta gero eta zailagoak diren kanpainak aurrera eraman ahal izateko. Laura Loiseau, “Nota Bene”ko zuzendariaren esanetan, gaur egun plan orokor bat sortzeko beharrezkoak dira sortzaileak, diseinatzaileak, eduki sortzaileak, programatzaileak, estrategia digitalean adituak, e-business, analitikoak etab.
Teresa García Cisneros, “Ketchum España”ko CEOak dioenez, ,Komunikazio agentzietako profil profesionalak erabat aldatuko dira. Langileen artean, arkitektoak, psikologoak, antropologoak, industria ingeniariak, medikuak… izango dira. Honekin batera, aztertzeko eta pentsatzeko era desberdinak agertuko dira, komunikazioari balioa gehitzeko oso baliagarriak izango direnak.
Asun Soriano, “Atrevia España”ko zuzendariak, zera uste du: Lan eredu kolaboratzaile eta zabalak ezarriko dira, taldeak, mahaiak eta orduak alde batera utziz. Zerbitzua etengabekoa izango da, munduak ez duelako geldialdirik egiten, etengabekoa delako. Taldeak askotarikoak izango dira. Komunikatzaileak, hizkuntzalariak, psikologoak, matematikalariak, ingeniariak… gainera oinarri teknologiko sendoa, eta Big Data ezagutzak. Lanbide gero eta bizigarriagoa izango da, etengabeko ikaskuntzan.
Vicente Beneyto, “ACH Cambre”ko zuzendari orokorrak dioenez, taldeak ezinbestekoak izango dira agentzietan, baina profil berriak gehitzeko eboluzionatu beharko dute, merkatuko eskaera berriekin bat egiteko. Ikuspegi estrategikoa eta espezializazioa gehituz, gaitasuna handitzeko asmotan.
Hala ere, eredu aldaketa horrek eragina izan du ekonomian. Gaur egun gero eta gehiago dira agentziak krisian daudela pentsatzen dutenak, nahiz eta izandako ibilbidea luzea izan. Azkenengo kontuek erakusten duten bezala, eredu aldaketak krisi egoera batera eraman ditu agentziak. Teknologiak, askotan, hauen presentzia beharrezkoa ez izatera bultzatu du. Gainera, internetek dena bizkorrago egiten duenez, askotan barrutik kudeatzera eramaten dituzte enpresak. Honez gain, gero eta lehiakide gehiago eta era askotarikoak dituzte agentziek. Teknologian garatuen daudenak hauen lehiakide izaten hasi dira, baina baita aholkularitzak ere.
Batzuen ustetan, garapen hauetara moldatzera behartuta daude agentziak, “jokoan” jarraitu nahi badute. 5 urtetan aldaketa handiak izango dira publizitate agentzietan, eta gaur egungo agentziekin alde handia izango dute. Aldaketak, ez dira bakarrik emaitzetan izango, egiturazko aldaketak ere izango dira. Agentzien lan egiteko era aldatuko da, eta talka handia izango su Sormenaren arloan.
Egiturazko aldaketak eta lan egiteko formaren aldaketak egonez gero, langileetan ere aldaketak izango dira. Adituek aurreikusten dutenez, bost urte barru gaur egungo langileen erdia bakarrik izango da beharrezkoa. Prozesuak automatizatzen doazen heinean, lan hori egiten zuten langileak desagertzen joango dira.
Era berean, profil hauek desagertzen doazen bitartean, beste batzuk sortuko dira. Esate baterako, lan analitikoetara lotutako profilak eta ideien munduan lan egiten duten profilak, garrantzi handiagoa izango dute langileen artean. Enpresek profil hauek betetzen dituzten langileak gehiago nahi izango dituzte.
Martin Hazan, MRM Worldwideko sormeneko zuzendariak, etorkizunean agentzia digitalak soilik existituko direla uste dutenek, egian daudela uste du; etorkizuneko agentziak digitalak
izango direla uste du berak, modu analogikoa atzean geratuko dela, alegia. Eta gaur egun dauden bereizketak atzean geratuko direla adierazi zuen.
Agentziak enpresek transmititu nahi dituzten mezuak nola ikusiko direnen arduradunak izango dira; horrekin kontsumitzaileen atentzioa bereganatzea lortu beharko dute, gaur egun egiten den moduan. Etorkizunean kezka sortu behar duen kontzeptua zera da: Non egongo ote da kontsumitzailea? Nola, noiz eta non harritu dezakegun kontuan hartu beharko dugu, persuaditzeko eta bereganatzeko gehien bat. Horrela, gure produktuekin eta gure zerbitzuekin harreman onuragarri bat lortu dezagun.
“Etorkizuneko agentzia” beharrak, interesak, jendearen pertzepzioak… hobeto interpretatzen dituena izango da. Beraz, abiapuntua jendeak medioekin zer egiten duen izango da eta ez alderantziz.
Honek guztiak ekipo berrien gehitzeak ekarriko du (psikologoak, soziologoak…), hauekin kontsumitzailearen jarrerak ulertuko ditugu. Halaber, eduki sortzaile espezialistak beharko ditugu, eduki erakargarriak, nabarmenak eta multikulturalak sor dezaten. Baina, gaur egungo espezialistak baztertu gabe. Teknologian abilak diren pertsonak ere beharko dira, berrikuntzen gainean daudenak, alegia.
Agentzia berriaren modeloa aipatzen dugunean aldaketa estruktural batez hitz egiten dugu, negozio fokuen aldaketei buruz edota jarrera aldaketa batez. Agentziak ideien sortzaileak izango dira beti, hori ez baita aldatuko. Zerbitzuak eskaintzen jarraituko dute, enpresaren onurak balioztatzen. Ideia da negozioaren abiapuntua; eta hori aldatzen ez den bitartean dena berdin jarraituko du, nahiz eta aldaketa sakon batzuk izan. Aldaezina den beste kontzeptu bat hartzailea, emisorea eta mezua izango dira, hauek beti presente egon beharko dira.
1.3. Publizitate agentzien definizioak
Publizitate enpresa garrantzitsuena, publizitate agentzia da. Hasiera batean erraza zen enpresa bat berak egindako lanarekin identifikatzea, iragarle eta hedabidearen bitarteko lana berehala ezagutzen zelako, baina gaur egun ohiko agentziak izan dituen berrikuntzak direla eta, zaila da publizitate agentzia baten zerbitzuak zeintzuk diren zehaztea. Aniztasuna, sektoreko aldaketa eta eboluzioak eta hedabide eta publizitate teknika hazkundeak zailtasun eta nahastea sortu dute. Beste sektoreetan gertatzen den bezala, enpresa bakoitzak bere zerbitzuak erabakitzen ditu eta bakoitzak bere aldarrikapena egiten dio publizitate agentziari.
Zaila da publizitate agentziaren izendapen egoki bat egitea, zaila baita zehazki publizitate agentzia batek egiten duen lana definitzea. Agentzia baten bitartekari lanari buruz ari garenean, ez gara hedabideei buruz konkretuki ari, baizik eta agentziak kudeatzen dituen ekintza guztietan egindako bitartekari lanei buruz. Agentzia bat bitartekari lanak egitea baino gehiago da, horregatik sektoreari lagungarri egingo zitzaion “agentzia” izena alde batera uztea, publizitate zerbitzuak eta komunikazio komertziala beste era batean definitzeko. Komunikazio zerbitzuak eskaintzen dituen enpresa izen egokiagoa litzake, bitartekari lanak baino, balore komunikatiboa sortzeko gaitasuna duen sektorea indartzeko.
Orokorrean, publizitate kanpainen prestakuntza, burutzapen eta hedapenerako medio tekniko egokiak eta pertsonal kualifikatua dituen erakundea da. Oinarrian komunikazio problema baten aurrean irtenbide egokia asmatzea eta kudeatzea da publizitate edo komunikazio-agentzia baten lana.
Agentzia bat enpresa independente bat da; pertsona sortzailez eta negozio pertsonez osatuta dago. Hauek publizitate-medio desberdinetan jartzen dute publizitatea zein propaganda. 3 aktore garrantzitsu daude:
- Iragarlea: prozesuari hasiera ematen diona
- Agentzia: publizitatea egiten duena
- Medioak: informazioan espezializatutako enpresak dira, hauek, publizitatearekin dirua lortzen dute.
Publizitatearen Lege Orokorraren arabera (10. artikulua, 1998ko azaroaren 11n aldarrikatua: “Publizitate-agentziak dira iragarle baten kontura era profesional eta antolatu batez publizitatea sortzen, prestatzen, programatzen edo obratzen duen pertsona naturalak edo juridikoak”. Aldi berean, eta artikulu berean agertzen den bezala, “iragarlea bere interesen alde publizitatea egiten duen pertsona naturala edo juridikoa da”.
Miguel Angel Perez Ruiz idatzitako “Fundamentos de las estructuras de publicidad” izeneko liburuan, hurrengo esaldiarekin deskribatzen ditu publizitate agentziak: Marken eta komunikabideen artean agenteek duten papera (eginkizunak, betebeharrak, eragina) da.
Azken urteetan, publizitate agentzien esku-hartzea asko handitu egin da marken eta komunikabideen arteko harremanetan. Eboluzio handia eman da publizitate agentzietan. Lehen, sormen bulegoen eginkizuna historia publizitarioetaz arduratzea zen. Gaur egun, bulego hauek mercadotecnia izeneko estudioak sortzeaz arduratzen dira. Gaur egungo estudio hauen ondorioz, publizitatea eta diseinua garrantzi gehien duten estrategietan bihurtu dira.
Eboluzio honi esker, publizitate agentziak industria handi batera gehitu dira. Beraz, publizitate agentziak negozio modelo handi batean bihurtu direla esan dezakegu. Modelo berri honen mercadotecnia-ren zerbitzuei eta kreatibitateari esker, negozio hauen eragina asko handitu da nazioarte mailan. Hortaz aparte, Octavio Noguez (UNAM-eko Komunikazio Zientzietan graduatua eta “Merca 2.0” hedabidearen kolaboratzailea) azaltzen duen bezala, publizitate kanpaina askotan, komunikazio helmena merkatuarekin neurtzen da.
Hortaz, gaur egun, Agentziek beste motatako zerbitzu batzuk ere eskaintzen dituzte. Zerbitzu horiek departamentu desberdinetan banatuta egoten dira agentzia barruan. Horren helburua bezeroek behar dituen errekurtso desberdinak leku berdinean eskuratzeko ahalmena izatea da.
Agentzia mota asko daude, handienetik, diru kantitate handiak fakturatzen dutenetik, ertainetara zein txikietara. Agentzia mota asko daude haien lan-sektorea kontuan hartuz. Agentzia batek mota askotako zerbitzuak eskaintzen ditu: merkatuaren eta publizitatearen planifikazioa, merkatuaren inbestigazioa, sormena, spoten sormen zuzendaritza… beti bezeroaren nahiekin akorde.
Publizitate agentzia baten lana, planifikatzea, sortzea eta medio egokian kokatzea da, publizitate eraginkor bat sortzeko. Agentziek zerbitzu desberdinak izatea komenigarria da, haiekin publizitate eraginkorra lortzea posiblea delako.
Agentziek eskaintzen dituzten zerbitzuak desberdinak izan daitezke bezeroen nahien arabera. Agentziaren kalitatea sortzen dituzten iragarkien eta tekniken arabera balioztatuko da. Agentziek produktu berri bat sortzen lagundu behar dute, baita marka, packaging-a edota planifikazioa sortzen. Agentziaren zeregin espezifikoa ideia prestatzea, medioak gomendatzea eta datak zehaztea da. Agentziak dena planifikatuko du: iragarkien ordena medioetan, horren publikazioa kontrolatuko du, eta ordainketez arduratuko da.
2. Test galderak
Galdera 1:
Espainiako Publizitate Agentzien garapena nolakoa da munduko beste agentzia batzuekin konparatuz:
- Antzekoak. Bietan nabari da hazkunde bat, non, agentziek gero eta zerbitzu gehiago eskaintzen dituzten.
- Guztiz desberdinak. Espainiako publizitate agentziak beherakada nabarmenean ari dira munduko beste leku batzuetakoekin alderatuz.
- Guztiz desberdinak. Munduko publizitate agentziak beherakada nabarmenean ari dira Espainiako beste leku batzuetakoekin alderatuz.
- Antzekoak. Bietan nabari da beherakada bat. Demanda gero eta baxuagoa da.
Galdera 2:
Publizitatearen Lege Orokorraren arabera (10. artikulua, 1998ko azaroaren 11n aldarrikatua) zer dira publizitate agentziak?
- Marken eta komunikabideen artean agenteek duten papera (eginkizunak, betebeharrak, eragina, etab.).
- Iragarle baten kontura era profesional eta antolatu batez publizitatea sortzen, prestatzen, programatzen edo obratzen duen pertsona naturalak edo juridikoak.
- Publizitate kanpainen prestakuntza, burutzapen eta hedapenerako medio tekniko egokiak eta pertsonal kualifikatua dituen erakundea.
- Komunikazio problema baten aurrean irtenbide egokia asmatzeko eta kudeatzeko helburuak bete behar dituen erakundea
Galdera 3:
Aukeratu erantzun ZUZENA. Etorkizuneko agentziak…
- ...espezializazio handiago bat eskatuko du merkatuko sektore desberdinetan
- …ez ditu lan kolaboratzaile eta zabalak ezarriko. Lan taldeek, mahaiek eta orduek garrantzia izango dute.
- ...arkitektoak, psikologoak, antropologoak, industria ingeniariak eta medikuak izango ditu langile moduan
- a) eta c) zuzenak dira
Galdera 4:
Publizitate-agentziek haien zerbitzuekin publizitate mota bat lortu behar dute:
- Publizitate eraginkorra lortu behar dute
- Publizitate polita eta modernoa
- Publizitate mota asko lortu behar dute
- Publizitate zerbitzuak zabaltzea lortu behar dute
Galdera 5:
Zein dago txarto?
- “Espazioaren agenteak” eta gaur egungo publizitate agentziak zeregin ezberdinak dituzte.
- Agentzien fusioek bezeroen atentzioa hobetzeko helburua zuten
- Advertiser,s Gazattek publizistentzako eta bezero potentzialentzako laguntza dokumentua zen, merkatuaren egoera adierazten zuena
- Rollew`s American Newspaper Directory publizisten eta bezero potentzialentzako lehehengo prezioen zerrenda izan zen
- Lehen publizitate agentziaren agerpena Estatu Batuetan izan zen
3. Bibliografia
1976 / 05 ; egilea: Holland, Donald R. ; dokumentua: Volney B. Palmer, 1799-1864: The Nation's First Advertising Agency Man
2012/10/11 ; egilea: Maria del Carmen Gutierrez ; dokumentua: Historia de las agencias de publicidad, atala: Inicios de la publicidad
Solon: (k.a. 638 . C.– k.a.558 .) poeta, erreformatzaile politikoa, legegilea eta estatu politikaria izan zen. Greziako Zazpi Jakintsuenetariko bat.
2012/10/11 ; egilea: Maria del Carmen Gutierrez ; dokumentua: Historia de las agencias de publicidad, atala: Mayoristas de espacios
2014/ 08/ 14 ; egilea: Nafi Vanessa Arenas Ramirez ; dokumentua: Agencias de Publicidad ; atala: Geoge P. Rowell
2012/10/11 ; egilea: Maria del Carmen Gutierrez ; dokumentua: Historia de las agencias de publicidad, atala: Charles Austin Bates
2001; Egilea: Rafael López Lita; Dokumentua: Las Agencias de Publicidad: evolución y posicionamiento futuro.
2010/04/28; Egilea: Joseba A. Etxebarria Gangoiti; Dokumentua: Situación y evolución de las agencias de comunicación del País Vasco: perfil de las agencias, expectativas para el negocio y estrategias de desarrollo
2016/11/11; Egilea: TopComunicacióneko erredakzioa; Dokumentua: informe especial (2): así cambiarán las agencias en los próximos 10 años, Especialización: una tendencia de las agencias de comunicación del futuro http://www.topcomunicacion.com/noticia/8500/agencias-consultoras-de-comunicacion-relaciones-publicas-del-futuro-especializacion
2016/11/18; Egilea: TopComunicacióneko erredakzioa; Dokumentua: informe especial (4): así cambiarán las agencias en los próximos 10 años Psicólogos, arquitectos… Nuevos perfiles profesionales en las agencias de comunicación http://www.topcomunicacion.com/noticia/8505/agencias-consultoras-de-comunicacion-relaciones-publicas-del-futuro-profesionales
2017/10/16; Egilea: PuroMarketingeko erredakzioa; Dokumentua: Lo que lleva al cambio, Lo que implica el cambio
En 5 años las agencias ya no serán como lo son ahora Agencias atalean http://www.puromarketing.com/41/29329/anos-agencias-seran-como-son-ahora.html
En 5 años las agencias ya no serán como lo son ahora Agencias atalean http://www.puromarketing.com/41/29329/anos-agencias-seran-como-son-ahora.html
2009/01. Egilea: Martin Hazan, MRM Worldwideko sormeneko zuzendaria. Dokumentua: El modelo de la nueva agencia. https://egela1718.ehu.eus/pluginfile.php/475159/mod_resource/content/1/El_modelo_de_la_Nueva_Agencia.pdf
2017; Egilea: Joseba A. Etxebarria Gangoiti; Dokumentua: 3. Ikasgaia (Publizitate-Agentzia) Josebaren sarrera (2017/2018) https://egela1718.ehu.eus/pluginfile.php/475154/mod_resource/content/7/SistProz_Gai3_17_18.pdf
2007-04-24; Egilea: mercadodeoypublicidad.com; Dokumentua: Agencia de Publicidad http://mercadeoypublicidad.com/Secciones/Biblioteca/DetalleBiblioteca.php?recordID=6333
1996; Egilea: Miguel Angel Perez Ruiz; Liburua: Fundamentos de las estructuras de la publicidad; Espainia; Editoriala: SINTESIS https://www.casadellibro.com/libro-fundamentos-de-las-estructuras-de-la-publicidad/9788477383536/503587
2016/09/12; Egilea: Octavio Noguez; Artikulua: ¿Que es una agencia de publicidad?; Hedabidea: Merca 2.0 https://www.merca20.com/una-agencia-publicidad/
4. PowerPoint-a
Linka:
https://docs.google.com/presentation/d/1lGWPRVnBv7NjvvT8l_qmTdiR_gcojRYsHvMx62s-fJs/edit?ts=5a16e711#slide=id.g289a630dc5_4_0
No hay comentarios:
Publicar un comentario