Determined by attitude

Gaur, Komunikadores Jardunaldira joateko aukera eskaini digu Josebak. Gure formakuntza prozesuan laguntza ematera Oskia Yaben eta bere lankidea Jokin Ayerregaray (Kultur Atelier komunikazio agentziatik)etorri dira. Hitzaldiaren hasieratik, Oskiak esan du, bere intentzioa izan dela “txute” bat ematea; hau da, guri jakinaraztea etorkizun batean, lan munduan kokatzea bakoitzaren eskuetan egongo dela, eta batez ere norberaren jarrerak baldintzatuko duela.

Profesional bezala jarduteko, argi utzi dute ilusioz, kriterioz eta umiltasunez lan egin behar dela. Bezeroarekin enpatisatzea lortu behar da, azken batean psikologo bat egiten duen lana ia ukituz. Konpetentziengandik bereizteko, bezeroen arazoetan sartu behar gara konponbide bat bilatzen saiatzeko; eta hare gehiago, serioak eta espezializatuak izateko norberak bere metodo propioak erabili behar ditu.

Bezero batekin lan egin behar dutenean eta kanpaina bat aurrera eraman behar dutenean personal branding bat prestatzen dute bezeroarekin, geroago prozesu piramidal bat jarraitzeko. Piramidea hiru zatitan banatzen da: balio arrazionala, balio funtzionala eta balio emozionala. Balio arrazionala informazio objektiboan eta demostragarrian zentratzen da (zein da produktua? Zenbat kide zarete? Ofizinarik duzue? eta horrelako galderak eginez). Balio funtzionala , Oskiak esan duen bezala, arrazionalaren eta emozionalaren zipriztinak ditu, hau da, bezeroak lortu nahi duen helburua zein den zehaztea. Azkenik, balio emozionala da, zein den transmititu nahi duzun bisioa.

Lortutako hitz guztien artean bost bat hitz aukeratzen dituzte. Hitz horiek produktua edo zerbitzua definituko dituzten atributuak izango dira. Atributu horiek ezinbestekoak izango dira konpetentziengandik desberdintzeko eta posizionamendu marka lortzeko.

Kaixomaitia.com webgunearen adibidea erakutsi digute hobeto ulertzeko, branding-a egin ostean aukeratutako hitzen artean bizi-poxa, bikotea edo abentura izan ziren.

Kolore-psikologiaz hitz egin digute ere; nahiz eta aspektu sinple bat izan, bezeroek beti alde estetikotik begiratzen duten gai bat da, baina horren atzean “gerra” antzeko bat ematen da bezero eta agentziaren artean. Marka posizionamendu artean kolore bakoitzak adjektibo zehatz batzuekin lotzeko joera dago. Aholku bezala, bezeroari argumentuz kargatu behar zaiola idea bat erakusteko  esan digute, beti zer den gomendagarriagoa esanez.

Prozesu honetan jarraitzeko, plan teknikoa azaldu digute. Honen barnean, euskarriak (foiletoak adibidez), prentsa kabineteak (botere handikoak eta azkartasunaren eskaintzak), nortasun digitala (webguneak), ekitaldiak (hartzaile objektiboei zuzendutako eta kanpaina bukaerarako ekintzak), sareen enbaxadoreak eta barneko komunikazioa dira batez ere jorratzen dituzten alorrak.

Amaitzeko, plan taktikoa zertan datzan erakutsi digute. Diskurtsoaren hasieratik alde arrazionala kontuan hartu behar dugula erakutsi digute. Adibide bezala, ekitaldi bat prestatzerakoan, ezinbestekoa da pentsatzea zer den transmititu nahi duguna, jendeari emozioa gustatzen zaiolako. Eta nola ez, sormen pixka bat eskaintzea proiektuei ezinbestekoa da, zer, zertarako, norentzat izango da etab. galderak planteatuz.

Konklusio bezala, gogoetan egin behar dugu eta demostratu behar dugu jarrera dugula edozein gauzari aurre egiteko; etorkizun batean, lan mundu konpetitibo batean ezingo gara hitzetan geratu, demostratu beharko dugu lan egiteko jarrera eta nahia dugula; edo beste hitzetan esanda: determined by attitude.